KQZ-ja ndan mbi 2.1 milionë euro për partitë parlamentare për gjysmën e dytë të vitit

Komisioni Qendror i Zgjedhjeve (KQZ) ka miratuar ndarjen e mjeteve financiare nga Fondi për mbështetjen e subjekteve politike të përfaqësuara në Kuvendin e Kosovës për periudhën 9 korrik – 31 dhjetor 2026.

Vendimi është marrë në mbledhjen e 75-të të KQZ-së, e cila është mbajtur në mënyrë elektronike.

Në total, për partitë parlamentare janë ndarë 2.113.735.89 euro, prej të cilave 2.083.068.49 euro ndahen sipas numrit të ulëseve në Kuvend, ndërsa 30.667.40 euro përfaqësojnë kuotën gjinore.

Sipas vendimit të KQZ-së, ndarja e mjeteve është si vijon:

Lëvizja Vetëvendosje – 881,253.70 euro

Partia Demokratike e Kosovës (PDK) – 381,895.89 euro

Lidhja Demokratike e Kosovës (LDK) – 312,460.27 euro

Lista Serbe – 156,230.14 euro

Aleanca për Ardhmërinë e Kosovës (AAK) – 121,512.33 euro

GUXO – 52,076.71 euro

Kosova Demokratik Türk Partisi (KDTP) – 34,717.81 euro

Alternativa – 17,358.90 euro

Iniciativa e Re Demokratike e Kosovës (IRDK) – 17,358.90 euro

Jedinstvena Goranska Partija – 17,358.90 euro

Koalicija Vakat – 17,358.90 euro

Nova Demokratska Stranka – 17,358.90 euro

Partia Liberale Egjiptiane – 17,358.90 euro

Partia Rome e Bashkuar e Kosovës – 17,358.90 euro

PSA – 17,358.90 euro

Socijaldemokratska Unija – 17,358.90 euro

Za Slobodu Pravdu i Opstanak – 17,358.90 euro.

KQZ-ja bëri të ditur se, pas konstituimit të Kuvendit të Kosovës, 10 për qind e fondit për mbështetjen e punës së deputetëve dhe grupeve parlamentare do të ndahet me një vendim të veçantë.

Sipas Ligjit për Financimin e Subjekteve Politike, fondi ndahet ndërmjet partive të përfaqësuara në Kuvend në bazë të numrit të ulëseve që ato kanë fituar. /Zëri