Maqedonci pret në takim ambasadorin e Bullgarisë, diskutojnë për situatën e sigurisë

Ministri në detyrë i Mbrojtjes, Ejup Maqedonci, ka pritu sot në takim ambasadorin e Republikës së Bullgarisë në Kosovë, Hristo Kraevski.

Përmes një postimi në profilin e tij zyrtar në rrjetin social Facebook, Maqedonci ka shkruar se gjatë takimit diskutuan për situatën e përgjithshme të sigurisë, zhvillimet aktuale dhe rëndësinë e ruajtjes së paqes dhe sigurisë së qëndrueshme në rajon.

Postimi i plotë i Maqedoncit, pa ndërhyrje:

Sot prita në takim Ambasadorin e Republikës së Bullgarisë në Kosovë, Hristo Kraevski.

Gjatë takimit diskutuam për situatën e përgjithshme të sigurisë, zhvillimet aktuale dhe rëndësinë e ruajtjes së paqes dhe sigurisë së qëndrueshme në rajon.

Vlerësuam marrëdhëniet e mira ndërmjet vendeve tona dhe rëndësinë e vazhdimit dhe thellimit të bashkëpunimit bilateral në të gjitha fushat me interes të përbashkët.

Bullgaria, si vend anëtar i NATO-s dhe Bashkimit Evropian, është një partner i rëndësishëm i Kosovës dhe ka dhënë ndër vite një kontribut të çmuar për paqen dhe sigurinë në vendin tonë përmes pjesëmarrjes së saj në KFOR.

Vlerësuam gjithashtu mbështetjen e vazhdueshme të Bullgarisë për Kosovën në proceset e integrimit në strukturat euroatlantike.

E falënderova Ambasadorin Kraevski për vizitën, bashkëpunimin dhe mbështetjen e vazhdueshme të Bullgarisë për Kosovën.