Prishtinë. Ministri i Punëve të Brendshme, Bajram Rexhepi priti familjarët e policëve të rënë në detyrë, të cilëve u premtoi se MPJ dhe Policia e Kosovës nuk do të ndalet deri në zbardhjen e secilit rast dhe vënien para organeve të drejtësisë, të të gjithë atyre kriminelëve që kanë shtënë në djemtë dhe vajzat më të mira të vendit.

Ministri Rexhepi i informoi familjarët e policëve të rënë në detyrë lidhur me angazhimet për rregullimin me ligj të statusit të familjeve të policëve të rënë në detyrë.

Po ashtu, me rastin e përvjetorit të themelimit të Policisë së Kosovës dhe në prag të festës së Bajramit, Ministri Rexhepi ka ndarë nga buxheti i MPB-së një shumë simbolike financiare në përkrahje të familjeve të policëve të rënë në detyrë.