Mitrovicë. Në pjesën veriore të Mitrovicës, në afërsi të konvikteve të studentëve serbë të Universitetit të Kosovës, me seli të përkohshme në pjesën veriore të qytetit (sipas serbëve), në orët e hershme të së enjtes është hedhur një mjet shpërthyes, por për fat nuk ka të lënduar.

Me rastin e shpërthimit, që ka ndodhur rreth orës 3:00 të mëngjesit, janë dëmtuar shumë automjete dhe shitore përreth shpërthimit. Shënjestër e sulmit, sipas të gjitha gjasave, kanë qenë makinat e pjesëtarëve të Policisë së Kosovës, kurse tash për tash nuk ka njoftime të tjera rreth këtij rasti, por bëhet e ditur se hetimet po vazhdojnë.