Të dielën mbrëma është ndarë nga jeta Prokurorja e Shtetit, Zyhra Ademi (1954). Me këtë rast, të hënën në Prishtinë do të mbahet një mbledhje komemorative e organizuar nga kryeprokurori i Shtetit, Ismet Kabashi.

Ndërkaq, varrimi i të ndjerës bëhet sot (e hënë) në orën 12.00 në varrezat e qytetit në Mitrovicë.

Ademi ka lindur në Mitrovicë, me 03.02.1954. Shkollën fillore dhe të mesme e ka kryer në Mitrovicë. Ka diplomuar në Fakultetin Juridik në Prishtinë në vitin 1979, ndërsa provimin e judikaturës e ka dhënë me 22.09.1980 në Prishtinë.

E ndjera ka punuar në Gjykatën e Qarkut në Mitrovicë, pastaj prokurore në Prokurorinë e Qarkut në Mitrovicë. Në vitet ‘90 ka qenë avokate deri vitin 2000.

Pastaj emërohet Prokurore në PPQ në Mitrovicë, prej 2000 deri më 2005, ndërkaq Prokurore e Shtetit të Kosovës prej 2005 deri tash. /qik/