Shkup. Dita e Fiter Bajramit është vizituar edhe në Maqedoni, ku mijëra besimtarë atje kremtojnë këtë ditë të shënuar që shënon mbylljen e muajit të Ramazanit. Në kalendarin Islam, Ramazani është muaji më i rëndësishëm dhe për këtë arsye në fund të tij është edhe festa e Bajramit të Madh.

Me këtë rast, besimtarët atje i ka uruar edhe Bashkësia Fetare Islame.

“Uniteti në mes nesh, mirëkuptimi dhe toleranca ndërfetare me të tjerët, janë pasuritë më të çmuara të fesë dhe popullit tonë, si të tilla, ato përbëjnë një garanci të sigurt për të ardhmen tonë dhe brezave që do vijnë pas nesh. Më lejoni që në emër të Bashkësisë Fetare Islame, në emër të të gjitha institucioneve të saja dhe në emrin tim personal juve vëllezër besimtarë tua urojë festen e Fitër-Bajramit, me dëshirën që në trojet tona të mbretërojë siguria, paqja, harmonia dhe dashuria”, ka theksuar kreu i BFIM-së, Reis Ul Ulema Haxhi Sulejman Efendi Rexhepi.

Me rastin e kësaj feste, krerët shtetëror dhe personalitetet politike e shoqërore kanë uruar besimtarët myslimanë. Fiter Bajrami quhet dita e parë e muajit Shevval, hëna e të cilit lind pas përfundimit të muajit të Ramazanit. (Start)