Tiranë. Lidhur me rastin “Remzi Hoxha”, në seancën e së mërkurës kanë mbërritur në gjykatë tre letër-porosi nga Italia, njoftuan mediat shqiptare. Në to janë të shkruara tre dëshmitë e ish-punonjësve të ish-Shërbimit Informativ Kombëtar (SHIK) të Lezhës, në ngarkim të katër të pandehurve për rrëmbimin, torturimin dhe zhdukjen e biznesmenit nga Shkupi, Remzi Hoxha, të zhdukur në Shqipëri në vitin 1995.

Ndonëse ende nuk ka detaje rreth asaj që ka mbërritur, mësohet se dëshmitë i përkasin shefit të SHIK-ut të Lezhës në atë kohë dhe të çiftit Flora dhe Gjokë Hasanaj, punonjës të SHIK-ut në bazën Vain të Lezhës, vend ku u torturua dhe më pas u zhduk biznesmeni Hoxha.

Në proces për këtë dosje janë Arben Sefgjini, ish-drejtori i SHIK-ut për degën e Tiranës, Ilir Kumbaro ish-drejtor i SHIK-ut në Drejtorinë Qendrore dhe Avni Koldashi, ish-shef i bazës së vëzhgimit. (Zhurnal)