Aktorja amerikane, Kristen Bell u paraqit në emisionin “Ellen DeGeneres Show” ku e zbuloi se shpesh qan, edhe kur është e lumtur edhe kur është e pikëlluar.

Ajo me këtë rast tregoi se për herë të fundit ka qarë në ditëlindjen e saj, pas dhuratës që ia bëri i dashuri, Dax Shepard. Pasi që së bashku me Ellen-in e panë incizimin e kësaj ngjarje (të cilën e incizoi Dax) gati sa nuk ia nisi të qajë kur udhëheqësja bëri shaka me të.

“Mund të them se në të njëjtën kohë kemi të bëjmë me skena qesharake, por edhe të prekshme, dhe sidoqoftë unë jam ‘mësuar’ tashmë dhe nuk mundem ta kalojë nëpër ndonjë ngjarje të rëndësishme e të mos qajë”, tha Bell.