Aktorja e njohur Roseanne Barr ka vendosur që të kandidojë për presidente të SHBA-së. Siç njoftojnë mediet amerikane, ajo tashmë e ka dorëzuar tërë dokumentacionin e nevojshëm, ndërsa në zgjedhje do të paraqitet si përfaqësuese e Partisë së Gjelbër.

59-vjeçarja thotë që ndihet keq dhe është lodhur nga demokratët dhe republikanët, për të cilët beson që nuk punojnë për interes të amerikanëve. Siç njofton “TMZ”, njëra nga gjërat kryesore për të cilat Barr angazhohet është legalizmi i marihuanës për përdorim personal.

Është interesante që Barr tani dëshiron të kandidohet për presidente, ndërsa kohë më parë e kishte “përqeshur” himnin amerikan. Bëhet fjalë, të rikujtojmë, për perfomancën e vitit 1990, pas përfundimit të së cilës pështyrë në tokë dhe e kishte përqeshur atë.