Tenderi për mirëmbajtjen e autostradës Morinë-Merdar, është anuluar nga Organi Shqyrtues i Prokurimit (OSHP), për shkak të shkeljeve që janë bërë gjatë procesit të prokurimit. Në shenjë pakënaqësie për shkeljet që janë bërë, kompania “Victoria Invest Internacional”, nga Theranda ka bërë ankesë në OSHP, duke deponuar fakte për shkelje të bëra nga Ministria e Infrastrukturës, e cila drejtohet nga Fehmi Mujota.

Gjatë shqyrtimit të lëndës eksperti shqyrtues i prokurimit ka konstatuar se Ministria e Infrastrukturës gjatë procesit të zhvillimit të këtij aktiviteti të prokurimit nuk ka respektuar nenin 7 dhe 69 të Ligjit të Prokurimit Publik (LPP), sepse në rastin e hartimit të dosjes së tenderit nuk kanë lënë hapësirë për konkurrencë të operatorëve vendorë, pasi që asnjë operator ekonomik vendor, apo edhe grup nuk kanë qenë në gjendje të plotësojnë kriteret e tenderit.

Përfaqësuesi i kompanisë “Victoria Invest Internacional”, Arben Daka, ka thënë se kompania që ai përfaqëson është kompani tejet serioze dhe si e tillë ka plotësuar kriteret e tenderit të shpallur nga Ministria e Infrastrukturës.

“Ne kemi kryer punime në autostradën Kukës-Morinë, ku realizimi i punëve ka zgjatur dy vjet, por ashtu edhe mirëmbajtja e kësaj pjesë të autostradës ka qenë e obliguar në bazë të provizioneve të kontratës”, ka thënë ai.

Sipas tij, edhe menaxheri i operativës Idriz Shala është konsideruar si i papërgjegjshëm, por sipas tij, i njëjti ka qenë i angazhuar në ndërtimin dhe mirëmbajtjen e një pjese të autostradës Kukës-Morinë.

Nga ana tjetër, përfaqësuesi i ministrisë Lahudin Myrtaj thotë se në bazë të dosjes së tenderit është kërkuar që tre inxhinierë të jenë bartësit kryesorë të punëve, të cilët sipas tij, është dashur të kenë së paku 2 vjet përvojë pune në mirëmbajtjen e autostradave.

Myrtaj ka thënë se menaxherëëve të kompanisë në fjalë iu mungon përvoja e punës, e cila është obligueshme për kompaninë që do ta fitojnë këtë tender.

Në fund pas shqyrtimit të lëndës në detaje paneli shqyrtues bazuar në të gjeturat që ka evidencuar eksperti shqyrtues ka konstatuar se pretendimi i operatorit ekonomik ankues është i qëndrueshëm për faktin se komisioni vlerësues i ministrisë gjatë shqyrtimit të ofertës së kompanisë në fjalë nuk ka respektuar kriteret për kualifikim në dosjen e tenderit, duke e konsideruar si të papërgjegjshme.

“Paneli shqyrtues pas shqyrtimit të shkresave të lëndës, raportit të vlerësimit të komisionit vlerësues, konstatimeve të cekura në ekspertizën e komisionit vlerësues, shqyrtimit të pikave pretenduese, deklaratës së përfaqësuesit të kompanisë ankuese dhe deklaratës së Ministrisë së Infrastrukturës, OSHP-ja ka konstatuar se ministria ka bërë shkelje të nenit 7 dhe 69 të LPP-së”, thuhet në vendimin e Panelit Shqyrtues të Organit Shqyrtues të Prokurimit.

Victoria: Kemi përvojë në autostrada

Përfaqësuesi i kompanisë “Victoria Invest Internacional”, Arben Daka, ka thënë se kompania që ai përfaqëson është kompani tejet serioze dhe si e tillë ka plotësuar kriteret e tenderit të shpallur nga Ministria e Infrastrukturës.

“Ne kemi kryer punime në autostradën Kukës-Morinë, ku realizimi i punëve ka zgjatur dy vjet, por ashtu edhe mirëmbajtja e kësaj pjesë të autostradës ka qenë e obliguar në bazë të provizioneve të kontratës”, ka thënë ai.

Sipas tij, edhe menaxheri i operativës Idriz Shala është konsideruar si i papërgjegjshëm, por sipas tij, i njëjti ka qenë i angazhuar në ndërtimin dhe mirëmbajtjen e një pjese të autostradës Kukës-Morinë.