Presidenti i Shteteve të Bashkuara, Barack Obama, thotë se e meriton edhe një madat të dytë, duke cituar shifrat e reja që tregojnë se ekonomia amerikane po hap vende të reja pune.

Në një intervistë televizive me kanalin NBC, Obama tha se ekonomia po shkon shumë më mirë tani, në krahasim me periudhën kur ai erdhi në këtë post tri vjet më parë, por shtoi se ende mbeten shumë gjëra për t’u bërë.

Presidenti vuri në dukje një raport, sipas të cilit shkalla e papunësisë ra në muajin janar për të pestin muaj radhazi dhe se janë pakur rreth 250 mijë vende të reja pune. Në vitin 2009, tha ai, ekonomia amerikane po humbiste aq vende pune në muaj, për disa muaj me radhë.

Por rivalët e presidentit Obama në zgjedhjet e nëntorit thonë se ekonomia nuk po mëkëmbet me shpejtësinë e duhur dhe se politikat e Obamas nuk kanë qenë të efektshme.

Të katër kandidatët republikanë po bëjnë fushatë në shtetet Kolorado dhe Minesota, para mbajtjes së zgjedhjeve paraprake të së martës, ku rezultati mund të tronditë garën. /VoA/