Kryeqytetasit vazhdojnë të ankohen për moszgjatje të orarit të ngrohjes, ndërkaq në “Termokos” thonë se janë temperaturat shumë të ulëta ato që po e vështirësojnë furnizimin me ngrohje.

Sipas zëdhënëses së “Termokosit” Afërdita Uka –Fejzuallhu, koha kaq e ftohtë ka ndikuar në aspektin teknik që ngrohja e ujit të jetë më e dobët.

Megjithatë, ajo thotë se furnizimi me ngrohje është 11 orë gjatë ditës dhe se orari është i ndryshueshëm, varësisht nga temperaturat. Sipas Ngrohtores, paradite qytetarët kanë 6 orë ngrohje, ndërkaq pasdite 5 orë.

Qytetarët ankohen se po mërdhijnë dhe se nuk mund t’i thuhet kësaj ngrohje, kur ka aq reduktime sa edhe ata të nxehtë që bëhet tretet deri sa të vijë pasditja dhe radiatorët të ngrohen. L.C.