Letër drejtorit të PTK-së

I nderuar z. Haxha,

Një mik në Prishtinë - sa herë që e thërras në telefon nga vende të ndryshme të Evropës perëndimore dhe në “display”-n e celularit të tij shfaqet numër Kosove (i Valës, IPKO-s apo edhe Z-së) pyetja e tij e parë që ma shtron është: Ku je?...

Kur i them që jam në Berlin, Stuttgart, Zuerich apo Vjenë... nuk kam nevojë ta zgjas më shumë sepse nënkuptohet... Duhet ta mbyllim linjën derisa në celularin tim apo të tij të shfaqet numri normal, numri i saktë i njërit prej nesh. Shkaku: jemi betuar qe tashmë dy-tre vjet që edhe me kushtin e humbjeve të vogla dhe stresit të disa thirrjeve - t’u ikim “hajnave të Post Telekomit të Kosovës!”.

Është luftë absurde por një prej betimeve tona të vogla për t’i rezistuar njërit prej trendeve më bizare që në institucionin kryesor ekonomiko-publik të vendit - PTK, qe sa kohë ngjet. Dhe çfarë jo tjetër!...

Ardhja e hetuesve të EULEX-it dhe bastisjet e hetimet që janë duke u bërë në ndërmarrjen në krye të së cilës ju jeni, për neve, vdekatarët e zakonshëm të Republikës së Kosovës, nuk paraqesin ndonjë risi. Përkundrazi, janë vetëm vërtetimi i asaj që tashmë me muaj e muaj është përfolur mejhaneve të të dy republikave - asaj të Prishtinës dhe asaj të Kosovës. Dhe, për të qenë “fair” me juve, duhet ta pranojmë që lënda a dosja, strumbullari a eisbergu i krimeve ekonomike në PTK i ngjet një telenovele të pafundme e cila ka ftillin që nga paslufta e deri te paspavarësia kur ju erdhët në krye të Postë- Telekomit të Kosovës.

Ju, dr. Shyqri Haxha, kur morët këtë timon drejtues për shumëkënd ngjanit në një Mojsi (Bible!) i cili do ta pastronte këtë institucion duke kthyer rendin dhe rregullin, punën dhe profitin. Dhe shpresën.

Por, shpejt doli që profili juaj jo vetëm që ishte i shkrifët por në të vërtetë ju u katapultuat si në opinion ashtu edhe në politikën (ekonomike?) të vendit si një personifikim i çuditshëm që më shumë u ngjan atyre personazheve të Robert Musilit kur si “gastarbeiter”

Asgjënë e asgjësë... pos ndoshta duhmës së bordeleve të atjeshme, kantiereve të pafundme dhe... sërish asgjë nga fryma e lirisë dhe demokracisë, tolerancës dhe mirëkuptimit... “.

Sa herë u kam parë në media nëpër betejat tuaja me gazetarë e redaktorë, pronarë mediesh e politikanë që u kritikonin dhe në bazë të hulumtimeve botonin a emetonin

statistika e numra tronditës për humbje e keqpërdorime në PTK, ju u hidheshit në qafë, duke shkëlqyer kështu me hidhërimin dhe tërbimin tuaj dhe të ekipit që drejtoni...

Prandaj, nuk kishte dhe nuk ka si të mos kujtohet përshkrimi i Musilit për ish-emigrantët e tij të Tirolit... dhe juve.

Kjo, edhe për faktin që kam provuar me dhjetëra e dhjetëra herë të kërkoj dhe hulumtoj edhe të arriturat tuaja shkencore dhe akademike në Britaninë e Madhe. Dëshpëruese, për të mos e quajtur ndryshe, se sa pak, tmerrësisht pak, del të keni bërë atje.

Për këtë shkak nuk ka si të mos më jetë përforcuar dhe nga fundjava e kaluar, pas “zbarkimit” të EULEX-it, edhe vërtetuar bindja që ju në fakt jeni ekzekutuesi i një plani sa djallëzor aq edhe bizar: shkatërrimin e ndërmarrjes më fitimprurëse të Republikës. Prapa këtij plani nuk ka si të mos qëndrojnë udhëheqësit e Koncernit (qeveritar!) - Hashim Thaçi dhe Ahmet Shala.

Nëse ju jeni viktima apo dorasi kryesor - kjo tashmë s’ka rëndësi. Edhe për shkakun që ju tërë kohën, si krejt tjerët te ne, jeni përcaktuar për epitetin e parë. Por, kryesorja është që Misioni juaj është përmbushur! Kurse, me mikun tim, do të vazhdojmë edhe

në të ardhmen t’ju luftojmë me armën tonë të disa thirrjeve telefonike.

Është çështje morali por edhe patriotizmi. Gjëra këto që ju dhe sidomos shefat tuaj, nuk duan as t’i kuptojnë e lëre më zbatojnë. Çfarë krimi!

Aq sa edhe vetë EULEX-i do ta ketë zor t'i bjerë në fije...