Bujqësia në Kosovë po përjeton një periudhë të vështirë transicioni. Që nga paslufta, filluam nga pika zero me sektorin e bujqësisë, ndihmat materiale dhe teknike të organizatave të huaja nuk munguan, por nuk dhanë fryte të bollshme për të zhvilluar këtë sektor, Qeveria e Kosovës është ajo e cila shantazhoi sikur të ishin të huaja këto toka bujqësore, shumë parcela u shndërruan nga toka bujqësore në beton e hekur nga vetë ata, dhe me lejen e tyre për përfitime materiale.

Moszhvillimi i bujqësisë mund të ketë efekt negativ në stabilitetin ekonomik të vendit dhe vështirë do të shtyjë rritjen ekonomike. Sfida më urgjente për autoritetet vendëse është të ruajnë stabilitetin makroekonomik dhe të arrijnë një rritje ekonomike përmes sektorit të bujqësisë, në kërkim të zvogëlimit të numrit shumë të lartë të papunësisë. Sot, numri i tokave që po mbillen me drithë gjithnjë e më shume po zvogëlohen.

Sot po përjetojmë një shtrenjtim edhe të miellit dhe bukës. Ku dihet se Kosova është një importues i madh i produkteve bujqësore me 288 milionë euro, ose 24% nga importi total në vitin 2005. Pjesa e importit të ushqimit nga importi total në vitin 2000 ishte rreth 27%, ngrihet në 2003 në 34% dhe bie në 24% në vitin 2006, ndërkaq zhvillohen aktivitetet tjera ekonomike.

Qeveria duhet të marrë masa për ndarjen e buxhetit të caktuar dhe të kërkojë grante për sektorin e bujqësisë nga BE-ja, me qëllim të parandalimit të shpërnguljes së popullatës në qendrat e mëdha dhe të zvogëlohen tokat e papunuara duke subvencionuar ata, ne i japim shpresa fshatarëve dhe i lidhim me tokën, i vëmë në pritje.

Një pjesë e madhe e shqiptareve emigrantë në vendet e Evropës Perëndimore punojnë në bujqësi, kjo jep iluzionin se ata mund të prodhonin atë që punojnë atje edhe në Kosovë, ku duhet ditur që prodhimi bujqësor duhet të subvencionohet në mënyrë bujare nga fonde strukturore të BE-së, si pjesë e politikës së përbashkët bujqësore.

Forma e favorizimit të sektorëve bujqësorë është proteksionizmi i mallrave bujqësore, ku në vendet tjera prodhimet bujqësore trajtohen pothuajse gjithmonë në mënyrë të privilegjuar duke ngritur barriera ndaj importeve që vijnë nga jashtë.