Ditë më parë, Njazim Hasani nga Mitrovica, është bërë fituesi i radhës i shpërblimit të mrekullueshëm në kuadër të lojës shpërblyese në gazetën “Zëri”, një pushim në bregdetin turk.

Ai të hënën ka bërë tërheqjen e këtij shpërblimi në lokalet e redaksisë së gazetës. Njazimi është fituesi i njëmbëdhjetë i pushimit në Turqi, që prej se ka filluar loja e madhe shpërblyese në gazetën “Zëri”.

Njazimi nuk mund ta fshehte gëzimin e tij që është bërë fitues i një çmimi të tillë, edhe pse siç ka deklaruar, nuk kishte menduar se do të fitojë. “Jam shumë i lumtur që kam fituar një çmim të tillë të madh.

Jam befasuar kur e kam gërvishtur kuponin në gazetë, sepse nuk mund të besoja se isha fitues i një çmimi të madh. Nuk kam besuar se do të fitoja”, është shprehur Njazimi me rastin e pranimit të shpërblimit.

Por shpërblimet në “Zëri” nuk kanë përfunduar, pasi janë edhe me qindra shpërblime të tjera që presin lexuesit e gazetës, duke përfshirë edhe pushime në Turqi dhe një skuter Peugeot.

Mirëpo, këtyre ditëve do të mësohet edhe emri i fituesit të çmimit kryesor të kësaj loje, vetura “Citroen C3”. Kështu, këto ditë do të nxehta të gushtit, lexuesit besnikë të gazetës “Zëri”, do të jenë nën ethet e këtij çmimi të madh.

Që nga fillimi i lojës së madhe shpërblyese në gazetën “Zëri” në muajin mars, e deri më sot, për lexuesit e gazetës janë ndarë mbi 10 mijë shpërblime nga më të ndryshmet, përfshirë edhe një veturë “Citroen C3” që e ka fituar Sevdije Manaj, pastaj dhjetëra televizorë LCD, mijëra mbushje, tre skuterë, para të gatshme, etj. Ne stafi i gazetës, ju dëshirojmë të gjithë lexuesve të gazetës, shumë fat ditëve në vijim.