Loja e madhe shpërblyese në gazetën “Zëri” vazhdon. Dhe përderisa këtyre ditëve lexuesit e gazetës janë të përqendruar në shpërblimin kryesor të gazetës, veturën Citroen C3, disa kënaqen edhe më shpërblime më të ‘vogla’. Por të vogël nuk mund ta quajmë një pushim njëjavor në bregdetin turk.

Fati këtë herë për këtë shpërblim të bukur, i ka buzëqeshur Ermira Birinxhikut nga Prishtina. Edhe pse është lexuese e rregullt e gazetës “Zëri”, ajo thotë se as që i kishte shkuar ndërmend se mund të fitoj një shpërblim kaq të madh, por ndjehet mjaft e lumtur me këtë.

“Më pëlqen të shfletoj të përditshmen ‘Zëri’ jo vetëm për shkak të çmimeve por për artikujt që përmban kjo gazetë. Ndërsa sa i përket lojës shpërblyese kjo është edhe një plus i madh për lexuesit që janë të shumtë”, është shprehur Ermira. Edhe ajo sikurse të gjithë lexuesit e gazetës, janë për vazhdimin e lojës shpërblyese.

“Jam lexuese e rregullt e gazetës ‘Zërin’, por nuk më ka shkuar ndërmend se mund të fitoj si shpërblim një pushim në Turqi. Jam shumë e gëzuar dhe uroj që të bëjë një pushim të këndshëm falënderoj shumë ‘Zërit’-in për këtë mundësi që më ka dhënë”, ka përfunduar Ermira.

Pjesa e dytë e lojës së madhe shpërblyese në gazetën “Zëri” është në fundin e saj, por jo edhe vet loja, pasi gjatë muajve në vijim, lexuesit e gazetës i presin edhe mijëra e mijëra shpërblime tjera nga më të ndryshmet. Kjo është një dëshmi se gazeta “Zëri” përkujdeset që lexuesit e saj besnikë jo vetëm të informohen drejt dhe saktë, por edhe të argëtohen duke i shpërblyer me çmime të ndryshme.

Kastriote Bajrami