Tani kur të gjithë janë nën ethe se kush do ta fitojë çmimin kryesor në pjesën e dytë të lojës shpërblyese në “Zëri”, veturën Citroen C3, vazhdojnë të vijnë edhe vlerësimet e lexuesve për përmbajtjen e gazetës dhe për vetë lojën, ndërsa shitësit e konfirmojnë se “Zëri” mbetet gazeta më e kërkuar në treg.

Se interesimi për gazetën “Zëri” vazhdon të rritet dita ditës, tregojnë edhe shitësit e gazetave, si këtu në kryeqytet, ashtu edhe në komunat tjera të Kosovës. “Vazhdimi i lojës në të përditshmen “Zëri” ka ndikuar mjaft shumë tek lexuesit, sepse përveç faktit që sjell shumë shpërblime për ta, në njërën anë po rritet më shumë numri i lexuesve, por edhe stimulimi i tyre.

Ka kohë që gazeta ‘Zëri’ prin nga të përditshmet tjera, sepse është rritur besimi për shkak të lojës dhe patjetër se është një plus tek lexuesit, sepse përveç që lexon artikuj të shumtë mund të ketë rastin edhe të fitojë”, është shprehur Faruk Rama, i cili posedon një mini-market përballë Hotel Grandit.

“Dhuratat që jepen nga gazeta ‘Zëri’, disa lexues mund t’i shohin vetëm në ëndërr, prandaj me leximin e gazetës dhe me gërvishtjen e këndit të lojës po kanë rastin që dhuratat e ëndërruara t’i kenë në realitet”, ka shtuar ai. Edhe Hilmi Selimi ka konfirmuar se është rritur jashtëzakonisht shumë numri i lexuesve të gazetës “Zëri”.

“Gazeta ‘Zëri’ i ka lexuesit e vet të cilët kam përshtypjen se janë besnikë ndaj kësaj gazete, jo vetëm për shkak të lojës, por edhe para lojës. Mirëpo, kuptohet që me vazhdimin e lojës numri i lexuesve është rritur dukshëm dhe, aq sa kam vërejtur unë, këtu pjesa dërrmues e lexuesve po shpërblehen me çmime të ndryshme.

‘Zëri’ është gazeta e vetme që dhuron një numër të madh të shpërblimeve, prandaj edhe lexuesit i besojnë dhe e blejnë”, ka thënë z.Selimi, i cili posedon kioskën e vet tek Fellini.

K.Bajrami

“Zëri”, gazetë që po lexohet dhe po respektohet

Të gjithë janë nën ethe. Lexuesit e gazetës “Zëri” në komunën e Gjakovës po presin me ankth se ku do të bjerë premia e lojës së madhe shpërblyese, vetura Citroen C3, ndërsa jo pak prej tyre shpresojnë që të jenë ata fatlumët. “Eh, ta kisha atë fat.

Edhe pse është vështirë e realizueshme, megjithatë kurrë nuk i dihet”, thotë Leotrim Syla, një i ri që tregon se është lexues i rregullt i gazetës. “Qysh prej fillimit kam qenë pjesëmarrës i rregullt i lojës shpërblyese. Dy – tri herë kam fituar shpërblime të vogla, ndërsa premia e madhe do të ishte si qershia mbi tortë”, thotë ai.

Krahas pjesëmarrjes në lojën shpërblyese, gjakovarët vazhdojnë të jenë lexues të rregullt të “Zërit” edhe për shkak të asaj se çka ofron gazeta për ta. “Jeni më të mirët, më korrektët dhe më të paanshmit. Gjithçka, që nga faqja e parë deri në të fundit, të gjithë artikujt, temat, opinionet, editorialet, dëshmojnë se aktualisht jeni gazeta më profesionale dhe më e drejtpërdrejtë në tregun mbarëshqiptar”, thotë Gani Rama, i cili shton se mbi të gjitha në “Zëri” çmon qasjen kritike ndaj dukurive të shumta negative që po ndodhin në vendin tonë.

Ndërkohë, edhe Sutki Mati, një mësues në pension, insiston se me profesionalizmin dhe idetë origjinale të menaxhmentit dhe stafit gazetaresk, “Zëri” do ta përforcojë edhe më shumë primatin në Kosovë. “Te ‘Zëri’ vlerësoj shumë origjinalitetin dhe profesionalizmin e stafit. Idetë tuaja, ndonëse shpesh përfolën, ato më vonë përvetësohen nga të tjerët, të cilët fatkeqësisht ende kanë mbetur në gazetarinë e viteve 70-të.

I miri imitohet gjithmonë”, thotë mësuesi Sutki. Nga ana tjetër, edhe shitësit e gazetave e konfirmojnë interesimin e vazhdueshëm të qytetarëve të Gjakovës për ta blerë dhe lexuar “Zërin”. “Interesimi i madh që ishte rritur hovshëm para më shumë se një viti, po vazhdon të jetë i njëjtë edhe këto ditë.

Mund të them me shumë përgjegjësi se ‘Zeri’ mbetet ndër gazetat më të kërkuara në Gjakovë”, thotë Merita, shitësja shumëvjeçare e gazetave në Gjakovë.

Artan Z. Haraqia

Gjilanasit e presin veturën të vijë në qytetin e tyre

Në javën vendimtare, kur pritet të shpallet fituesi fatlum i premisë së madhe, veturës “Citroën C3” , interesimi i lexuesve për gazetën “Zëri” ka arritur në nivelin më të lartë, kurse kërkesë e lexuesve mbetet dëshira për një raund të tretë të lojës.

Gazeta “Zëri” vazhdon të jetë më e lexuara dhe më e kërkuara në Gjilan e Anamoravë dhe për të interesimi sa vjen e shtohet. Besnik Marovca, student, thotë se është lexues i rregullt i gazetës “Zëri” dhe sidomos i rubrikave që kanë të bëjnë me sportin.

Ai thotë se tej mase i pëlqen edhe Loja e Madhe Shpërblyese, duke besuar se edhe ai do të jetë fitues i ndonjërit nga shpërblimet. Gjithsesi se Besniku është i mendimit që loja duhet të vazhdojë, ngase ajo është bërë pjesë e pandashme e gazetës, sugjerim të cilin e mbështet edhe shoku i tij, Sylejmani, i cili gjithashtu është lexues i rregullt i gazetës.

Jeton Ibrahimi, punëtor në “internet cafe”, nuk lë ditë pa e lexuar gazetën e tij të preferuar, e cila përpos që e informon, i sjell edhe befasi. Ai thotë se ka kohë të lirë të mjaftueshme për të lexuar gazetën, për të mbushur fjalëkryqet e për t’u marrë me enigmatikë, sikurse që gazeta “Zëri” përcjell trendët në botën e përparuar të informatikës e të teknologjisë, gjë të cilat e bëjnë atë që të mos i ndahet kësaj gazete.

Gjithsesi, , sipas Jetonit, Loja e Madhe Shpërblyese i ka sjellë edhe më shumë freski gazetës “Zëri”, andaj edhe ai iu bashkëngjitet kërkesave që loja të vazhdojë dhe nuk dyshon se fitues i premisë së madhe do të jetë personi që me të vërtetë ka fat.

Ndryshe, në Gjilan shitësit e gazetave thonë se janë shtuar kërkesat për gazetën “Zëri” e gjithsesi se përveç cilësisë së gazetës, në këtë interesim ka ndikuar edhe paralajmërimi se kjo është java vendimtare, kur pritet dhënia e shpërblimit më të madh të edicionit të dytë të Lojës së Madhe Shpërblyese të gazetës “Zëri”.

E. Sadiku