Festivali i muzikës dhe i aktivizmit “NGOM Fest”, i cili pati edicionin e tij të parë në qershorë të vitit të kaluar ka filluar përkatitjet për edicionin e dytë të tij. Datat zyrtare kur do të zhvillohet edicioni i dytë i “NGOM Fest’-it janë 22, 23 dhe 24 qershor në Prizren. Në edicionin e tij të parë, NGOM Fest priti më se 40 artistë nga Kosova dhe rajoni në 3 skena në në Prizren, ndërsa për suksesin e tij festivali u nderua nga Komuna e Prizrenit me çmimin “Ngjarja më masovike e vitit 2011”. Ky çmim është një inkurajim për ekipin e festivalit për të punuar edhe më shumë për edicionin e dytë. Për tre ditë me rradhë në edicionin e parë të këtij festivali Prizreni ishte shndërruar në qytetin e tingujve. 26 bende dhe 13 DJ nga vendi e rajoni kishin bërë që adhuruesit e muzikës të kënaqen me 50 orë program.