Poetja, studjuesja dhe intelektualja e mirënjohur izraelite, Diti Ronen, pas

Tetovës (Ditët e Naimit), ka marrë pjesë të shtunën, në manifestimin kulturor

“Mbrëmjet poetike të Ferizajt”, ndërsa është deklaruar të jetë e lumtur, që ndodhet

ndër shqiptarë, të cilët i cilësoi si “fise të humbura eksodesh nga e njëjta rrënjë

hebraike”.

Në ambientet e lokalit hoteriler, “Kino -bar”, krijues letrarë nga Ferizaj, Gjilani,

Prishtina dhe Tirana, por edhe dashamirë të fjalës së bukur artistike, kanë kijuar

një ambuient të ngrohtë dhe tepër miqësor, perderisa krijimet më të reja, të

shkrimtares izraelite, që i karakterizonte motivi i ekzistencës biblike të popullit

që i takonte, pos në shqipe, janë deklamuar edhe në hebraisht dhe anglisht.

Gjatë prezantimit të shkrimtarës Diti Ronen, organizatorët e manifestimit, krijuesit:

Aida Dizdari dhe Menduh Leka, thanë se pjesëmarrja e zonjës Ronen në Kosovë, është një nderim i veçantë për kulturën këtu, dhe jo vetëm për komunitetin e artistëve.

Dr. Diti Ronen, e lindur në Tel-Aviv, është autore e disa librave me poezi, krijime

të përkthyera deri tash në gjuhë të ndryshme të botës, perderisa ajo është laureuar

edhe me shumë çmime ndërkombëtare, përfshireë edhe ate “Oeneumi”, në Festivalin e

poezizë në Tetovë (2011).

Njëkohësisht ajo është e njohur edhe për krijime në fushën e eseistikës, perderisa

mban leksione akademike, pos në Universitetin e Tel-Avivit, edhe në akademi të

ndryshme botërore.

Poeti tiranas, Agron Tufa, si dhe kolegu i tij nga Prishtina, Abdullah Konushevci,

prezantimin e poetes Diti Ronen, e kanë vlerësuar si një ngjarje të veçantë

kulturore në Kosovë, pikërisht në kohën kur ky shtet i ri po promovohet në botë,

përderisa komunikimet ndërmjet artistëve, sipas tyre paraqesin një frymëmarrje të

rëndësishme shpirtërore, sepse ndihmojnë në krijimin e urave të miqësisë, dhe

interkomunikimet kulturore, për çka kemi aq shumë nevojë.

Vetë poetja izraelite Diti Ronen, tha se ndanë mbresa të veçanta, gjatë qëndrimit në

Tetovë, Tiranë dhe Ferizaj, si një botë e re që po preket, por që vlerat e shqiptarëve për hebrenjtë janë shumë të njohura, ngase këta dy popuj gjatë historisë kanë patur fate të ngjashme dhe tragjike, me bindje se ka ardhur koha e përafrimit

dhe rinjohjeve shumë të domosdoshme.