Tregimi për zonjën e vjetër plot emocione, të cilën shpesh e sulmojnë kujtimet e së kaluarës, dhe përnjëherë një ditë i tregojnë se duhet të bëhet kryeministër, vjen i portretizuar në filmin kushtuar Margaret Thatcher “The Iron Lady”, nën interpretimin e ashtuquajtur “frymëndalës” nga fituesja e çmimit akademik Meryl Streep.

Tregimi vazhdon kur shumë njerëz shfaqen skeptik nëse Thatcher (Streep) mund ta mbajë një protagonizëm të tillë, në sytë e familjes, në sytë e miqve, në sytë e burrit dhe mbi të gjitha, në llupën e madhe të medieve, duke pranuar udhëheqjen e vendit dhe pozitën e ofruar.

“The Iron Lady” me regji të Phyllida Lloyd, tregon të pathënat dhe kthesën e Thatcher, tonin e saj vetëkënaqës dhe autoritetin që e ushtroi për disa kohë, ani pse ishte një femër sensitive, së paku derisa e morri këtë pozitë në shtet.

Filmi pasqyron raportin që Thatcher kishte me homologët e saj, darkat glamuroze ku tema kryesore ishte politika. Kritikët e filmit tregohen në superlativ për performancën e Streep, duke e quajtur atë si një mishërim ideal për Thatcher, dhe një ndër rolet më të arritura që kjo e fundit ka luajtur përgjatë gjithë karrierës së bujshme.