Për më shumë se 4 dekada, aktori Martin Sheen ka portretizuar qindra karaktere komplekse, që nga filmi vietnamez “Apocalypse Now” deri te portretizimi i presidentit të Amerikës në “The West Wing”. Por roli i fundit për 71 vjeçarin vjen nga libri “Përtej Fesë: Etika për një botë të tërë” i Dalai Lamës, dhe atë jo si aktor, por si tregues i ngjarjes dhe narrator audio. Në një intervistë të shkurtër ai tregon për mesazhin e librit dhe etikën e tij në krahasim me besimet e tij fetare.

Si u futët në projektin në fjalë:

Unë kam një agjent shumë të mirë. Ai është i vetëdijshëm që unë jam një aktivist social dhe ky është një nga ato projektet që unë i përkrah. Jam një adhurues i madh I Dalai Lamës, sidomos ndaj qëndrimit të tij jot ë dhunshëm për çështjet politike, sociale dhe ekonomike. Pra ishte një vendim pa ngurruar fare. Të jesh zë i librit të Lamës është shans i mirë”

Si një katolik i devotshëm, si u ndiet kur ju kërkua të jeni zë i një libri i cili kërkon spiritualitet dhe fe në një mënyrë përtej religjionit?

Ju nuk mund ta ndani një përpjekje të ndershme që është e vërtetë. Siç me thotë edhe gruaja, e vërteta është universale. Dalai Lama jeton një jetë reale. Ai është reflektimi i Ungjijve, edhe nëse nuk e pranon një fakt të tillë. Çfarë ai po përpiqet të bëjë me këtë libër është të gjejë një terren të përbashkët për botën laike sepse poenta e tij kryesore është se bota dhe shumica e popullsisë së botës nuk kanë prirje fetare.

A nuk ka tanimë gjithandej shumë njerëz jo religjiozë?

Patjetër dhe unë mendoj se libri I Dalai Lamës do ti përkrahë dhe do ti mbajë ata të gjallë. Aty nuk thuhet se duhet ta shtypësh religjionin tënd sepse në të kundër nuk do të jesh katolik, protestant, mysliman apo jahudi. Në të kundërtën, ky libër sjell humanizëm. Kjo është arsyeja pse jemi të gjithë bashkë. Unë mendoj se Lama po mundohet ta zgjerojë rrethin. Ai po mundohet ti sigurojë njerëzit se ata nuk kanë nevojë të heqin dorë nga religjioni I tyre për asgjë

Si u ndjetë në raport me tekstin, kur jeni 71 vjeçar, dhe fraza “Apocalypse Now” thuhet kur ju jeni 30 vjeçar?

Kjo është një dobësi e vogël. U mundova ta marr veten fizikisht, psikologjikisht, emocionalisht dhe shpirtërisht. Kjo edhe e filloi transformimin tim dhe më ktheu te Katolizmi. Unë se kam pasur asnjëherë problem ta përqafoj ideologjinë e Lamës, filozofinë e tij. Nuk dola nga vetja, nuk e luajta askënd tjetër. Mu deshën tre ditë të incizoj zërin dhe mësova shumëçka.

Si ju duket Obama dhe si mendoni se do të jetë performansa e tij në zgjedhjet e 2012-tës>

Mendoj se në kushtet e tilla, me trashëgim dy luftëra dhe një ekonomi përtokë, ai ka bërë punë brilante. Jam optimist se ai do të rizgjidhet dhe kjo do të jetë surprizë e madhe për njerëzit që e mendojnë të kundërtën. Njerëzit e kanë kuptuar: ai është me ne, në anën tonë, ai ka klasë dhe është burrë i vendosur shteti