Duke përcjellë shfaqjen e filmit “A Town Betrayed” në Suedi, kryesuesja për terren e Tribunalit të Hagës, thotë se filmi në fjalë, kushtuar Srebrenicës, bie në kundërshtim me vendimet e mëparshme të marra rreth gjykimeve që kanë të bëjnë me ish-Jugosllavinë.

Në një letër që kryesuesja Nerma Jelacic i ka dërguar drejtorit ekzekutiv të televizionit suedez me datën 24 nëntor, shkruan se shumica e pamjeve prej filmit “A Town Betrayed” bien ndesh me veprimet e marra nga tribunali.

Jelacic ka kërkuar nga televizioni që në të ardhmen të bëjë konsultime paraprake me tribunalin kur janë në pyetje transmetime të pamjeve nga ngjarje që kanë të bëjnë me masakrën e Srebrenicës dhe çështjet tjera ish-jugosllave.

Filmi “A Town Betrayed” për herë të parë është transmetuar në prill të këtij viti në televizionin norvegjez NRK, duke shkaktuar polemike rreth pasqyrimit të ngjarjes makabre të Srebrenicës si një “operacion i leverdishëm ushtarak” që është provokuar nga serbët e Bosnjës.

Komiteti Norvegjez i Helsinkit paraqiti një ankesë rreth filmit më datën 3 maj, duke akuzuar filmin për promovim të revizionimit të ngjarjeve në mënyrë të gabuar. Si kundërpërgjigje, televizioni suedez filmin e shfaqi më 28 gusht, dhe jo papritur, filmi shkaktoi debate të nxehta edhe midis boshnjakëve dhe intelektualëve suedezë.

Tribunali i Hagës, me gjithë zhvillimet, citoi në një letër se të gjitha procedurat e saj kanë arritur në prova se ngjarja e Srebrenicës ishte një operacion vrasës i planifikuar, dhe jo një akt i hakmarrjes i iniciuar nga ushtarët serbë në Bosnjë.

“Varret edhe sot e kësaj dite po hulumtohen, ndërkaq numri i të identifikuarve po rritet. Dhoma gjyqësore e tribunalit mendon se numri i viktimave mund të jetë gati 8000, dhe këtu nuk mund të ndërhyjë as dokumentari dhe filmi për Srebrenicën, duke e sjellë ngjarjen si të gabuar” shtoi Jelacic nga Tribunali i Hagës.

Nga ana tjetër, drejtori i televizionit norvegjez NRK, tha se letra nuk i duket mjaftueshëm familjare që filmi të mos shfaqet në këtë medium.

“Do ta diskutoj s’e di duhet ta marrim këtë rast, por letra ende nuk më tingëllon bindëse dhe familjare për të mos shfaqur filmin”. Eva Hamilton, drejtoreshë e transmetuesit suedez, tha se kritika e tribunalit është qesharake dhe e pavend.

“Nënshkruesja e letrës nuk pasqyron ndonjë fakt krucial për filmin, dhe vetëm tregon për principet dhe rregullat e tribunalit”, thotë Hamilton në letrën e 29 nëntorit. Ndërkaq, Ola Flym, producente e filmit, mbron realizimin filmik për Srebrenicën.

“Projekti ynë tregon gjenocidin e Srebrenicës, dhe është vetëm një hyrje në tërë këtë ngjarje. Ndoshta Tribunali do të këndellej nëse ne brenda filmit do ta përsërisnim me qindra herë fjalën gjenocid, por këtë nuk e presim. Srebrenica ishte masakër”, shton Flym.