Novela “Pure” e shkrimtarit Andrew Miller, është shpallur dje fituese e çmimit Costa Book 2001, një prej çmimeve më prestigjioze britanike për letërsi, duke i lënë pas disa emra të njohur të letërsisë.

Paneli prej tetë vetësh, i kryesuar nga Geordie Greig, editor i London Evening Standard, ka qenë në mëdyshje për dhënien e çmimit mes dy veprave, të novelës Pure të Millerit apo të veprës “Now All Roads Lead to France” të poetit Edward Thomas. Madje kohëve të fundit favorite për ta fituar çekun prej 30 000 funteve (47 000$) ishte edhe proza debutante e poetit Matthew Hollis.

Në listën e ngushtë ishin edhe të tjera vepra prozaike "Tiny Sunbirds Far Aëay" nga Christie Watson, "The Bees" nga poetja britaneze Carol Ann Duffy dhe libri për fëmijë "Blood Red Road" nga Moira Young. Kryetari i jurisë ka thënë se në përzgjedhje kishte një debat të fortë dhe të gjatë, që u ka marrë kohë deri në marrjen e vendimit.

Veprën fituese “Pure”, të vënë në shekullin 18 në Paris, ai e ka përshruar si një “novel historike, e pasur dhe brilante”.

“Është një novelë që flet për moralitetin dhe Francën e pararevolucionit”.

Miller ka shkruar një vepre në të cilën bënë bashkë fiksionin dhe faktet. Në këtë luftë për çmim, ai madje ka arritur ta mund edhe fituesin e Man Booker Prize, Julian Barnes.