Novara e Samir Ujkanit ka shkaktuar befasinë e javës në Itali, duke mposhtur si mysafire ekipin e Inter Milanos (1:0). Merita të mëdha në këtë fitore i ka edhe portieri vushtrrias, i cili mbajti të paprekur portën e tij.

Ai në 15 minutat e fundit është përballur me një ofensivë të madhe të futbollistëve kaltërezi, por pak me aftësitë e tij, pak edhe me ndihmën e fatit (dy herë me ndihmën e portës) ia ka dalë të largohet kokëlartë nga “Giuseppe Meazza”, duke rikthyer krizën te skuadra që udhëhiqet nga Claudio Ranieri.

Skuadra e Novarës në 10 minutat e fundit të ndeshjes ka luajtur me një lojtar më pak, pas largimit me karton të kuq të Ivan Radovanoviqit, por porta ka qenë e sigurt në duart e Ujkanit.