Nga akulli i detit Baltik deri te deti i mrekullueshëm i Mediteranit, nga fëmijëria nën diktaturën sovjetike në krye të njërës nga kompanitë më të rëndësishme botërore. Kjo është parathathënia për Margarita Bogdanova, që tashmë ka ndryshuar emrin në Margarita Louis-Dreyfus pasi që është martuar më 1992 me Robert Louis-Dreyfus, njëri ndër njerëzit më të pasur në planetë, i cili vdiq në vitin 2009 nga leukemia.

Përveç kompanisë planetare, dy vite e gjysmë më parë Margarita ka trashëguar edhe skuadrën e njohur franceze të futbollit Olympique Marseille, e cila të martën do të përballet me Interin në ndeshjen e parë të 1/8 së finales së Champions League.

Në stinorin e parë si aksionarja kryesore (stinori 2009/10), Marseille iu kthye titullit të kampionit në Francë, një titull që mungonte nga kohët e presidentit legjendar Bernard Tapie. Ky titull për Marseille erdhi si meritë e 40 milionë eurove të investuara nga kjo grua e bukur të cilës i pëlqen shumë edhe jeta romantike, që prej datës së lindjes në ish- Leningradin e atëhershëm që është e mbuluar me një mister.

Në fakt, mosha e saj nuk dihet saktësisht, por ajo duhet të ketë 40 apo 43 vjet. Sigurisht se Margarita është dashur të rritet në shpejtësi. Në moshën 7-vjeçare humbi prindërit në një aksident hekurudhor. Ajo u rrit nga gjyshi Leonid, një inxhinier i besueshëm i regjimit komunist.

Përkundrazi, mbesa, pasi që diplomoi për ekonomi dhe pasi që filloi të studiojë drejtësinë në Universitetin e Moskës, përfitoi nga ‘Perestrojka” e Michael Gorbachov për të ikur në Evropë. Në Zvicër martohet për herë të parë me një student të ri dhe fillon të punojë në një kompani zvicerane.

Martesa zgjat pak muaj, por pas pak kohësh ajo njihet me njeriun që ia ndryshon jetën: në fluturimin nga Zurichu deri në Londër, afër karriges së saj në aeroplan ishte Robert Louis-Dreyfus. Pas një bisede të shkurtër dhe disa fotove që ai ia tregoi qenin e tij, ata u dashuruan shpejt dhe u martuan më 1992. Lindën tre fëmijë dhe Margarita bënte të pamundurën që të ruhej jeta private e familjes.

Tregtari i pasur francez interesohej edhe për sportin, duke hyrë në Adidas, si pjesëmarrës i krijimit të Infront dhe bleu edhe skuadrën franceze të futbollit Olympique Marseille. Pas vdekjes së miliardierit parisien, tërë pasuria iu trashëgua Margaritës, duke shkaktuar shumë skepticizëm dhe xhelozi në fillim nga të afërmit dhe bashkëpuntorët e miliarderit francez.

“Pa Margaritën, Robert do të vdiste shumë më herët”, kishte deklaruar njëri ndër bashkëpuntorët e magnatit francez, Vincent Labrune, president i Olympique Marseille i cili shpesh përcjell ndeshjet nga tribunat e “Velledrome” përkrah “Evita Peron” të Marseille, siç e quajnë Margaritën në Francë.

Pasi filloi të fitojë në kampionatin francez, tani ajo kërkon të fitojë edhe në arenën ndërkombëtare me Marseile, skuadër kjo që kishte fituar Champions League më 1993 kur në finale kishte mundur AC Milan.