Kampioni aktual, Dallas Mavericks, ka pësuar humbje nga rivali për titull, LA Lakers me rezultat 73:70, në një mbrëmje me efikasitet të dobët, pasi që ekipet patën vetëm 37% të gjuajtjeve të sakta.

Andre Bynum, me 17 pikë dhe Kobe Bryant, me 14 pikë të shënuara, ishin më efikasët te vendasët, ndërsa më i miri te Dallasi ishte Dirk Nowitzki, me 21 pikë. Ekipi më i mirë pas 14 ndeshjeve, Oklahoma City Thunder kompletoi fitoren e 12-të.

Kësaj radhe Oklahoma e mposhti Boston Celtics, me rezultat 97:88. Sërish lider te Oklahoma ishte Kevin Durant, që shënoi 28 pikë dhe pati 7 kërcime.

Chicago Bulls përjetoi disfatën më të thellë deri më tashti këtë edicion, duke u mposhtur nga Memphis Grizzlie 102:86.

Rezultatet komplete: New York – Orlando 93:102; Memphis – Chicago 102:86; Charlotte – Cleveland 94:102; Washington – Houston 106:114; Philadelphia – Milwaukee 94:82; New Orleans – Portland 77:84; LA Clippers – New Jersey 101:91; Atlanta – Toronto 93:84; Minnesota – Sacramento 99:86; Boston – Oklahoma City 88:97dhe LA Lakers – Dallas 73:70.