Hendboll. Trajneri i ekipit përfaqësues të Kosovës U-20, Taib Kabashi e ka publikuar listën e lojtarëve që do të përfaqësojnë Kosovën në turneun ndërkombëtar që do të mbahet në Prishtinë, për nder të Ditës së Pavarësisë.

Në listën e Kabashit mungojnë portieri Flamur Gërbeshi (Suedi) dhe lojtari fundor Berat Mahmutaj (Austri), të cilët nuk arritën të marrin leje nga klubet e tyre, mirëpo pjesë e saj janë Fatlum Ahmeti dhe Bashkim Gashi, të cilët gjithashtu luajnë në Suedi.

Para turneut përfaqësuesja kosovare do të ketë përgatitje shtatë ditore të përbashkëta në Prishtinë. Në këtë turne që zhvillohet prej 14-16 shkurt do të marrin pjesë edhe përfaqësueset e Bullgarisë, Malit të Zi dhe Maqedonisë.

Kosova e mbron titullin e fituar vitin e shkuar kur në finale kishte mposhtur Turqinë, e cila ishte ftuar të marrë pjesë në turne, por nuk ishte në mundësi t’i përgjighet ftesës, pasi që në të nëjtën kohë ishte ftuar të paraqitet në një turne në Bjellorusi.

Lista e të ftuarve për turneun e Pavarësisë: Arbër Berisha (Prishtina), Zekirja Mikullovci (Kosova), Arbër Sylejmani (Drita), Lindrit Fetahu (Prishtina), Bashkim Gashi (Lif Lindesberg – Suedi), Oltion Beshiri (Prishtina), Enis Kabashi (Prishtina), Deniz Terziqi (Trepça), Lorik Haxhaj (Kosova), Kresnik Krasniqi (Besa Famiglia), Vlerson Zherka (Prishtina), Fatlum Ahmeti (Lif Linderberg – Suedi), Kastriot Jupa (Vëallaznimi), Vedat Llapashtica (Prishtina), Ylber Mjeku (Prishtina), Beni Syla (Kastrioti), Besmir Kusari (Prishtina), Florim Hoxha (Prishtina).