Edhe një mbrëmje e hap librin e jetës sime dhe të gjej në të, të bukur dhe të butë, ashtu si vetëm zemra mund të dëshirojë. Ëndërroj duart e tua mbi duart e mia. Ëndërroj, je afër meje dhe të përqafuar qëndrojmë para qiellit të dashurisë. Imagjinoj, të gjithë hapat të dërgojnë kah unë. Imagjinoj, vetëm ti je në shtigjet e mia të cilat na dërgojnë në lumturitë e pafundme… ti dhe unë, jemi një, ti dhe unë përjetë të bashkuar në një përqafim.

Aty jam, që t’i flas fjalët më të mira, që të jem ajo që është e vlefshme të jem. Aty jam, që të mbështjell me qiellin dhe yjet, që të mbroj nga të gjitha telashet dhe të dërgoj atje ku të marrësh frymë do të thotë të dashurosh.

Këto fjalë, të cilat vetëm shpirti di t’i krijojë, të cilat vetëm zemra di t’i shqiptojë, të gjitha këto janë për ty, më e dashura ime…

Ende imagjinoj se si jam duke të përqafuar, derisa nata në mënyrë “të turpshme” largohet. Sytë e mi në sytë e tu, buzët e mia në buzët e tua, jeta ime në jetën tënde… dhe dashuria e cila nuk përfundon kurrë…

Ti dhe unë, në rrugën time… ti dhe unë në botën time me shumë ngjyra… ti dhe unë, tani ecim në shtigjet e njëjta. Ti e sigurt dhe unë i sigurt. Ti e dashuruar dhe unë i dashuruar. Të gjitha gjërat e miat të takojnë ty, me ty marrë frymë, me ty gëzohem… a e di? A e ndien?

Kur është ftohtë dhe acari bredh nëpër fusha, të ndjejë si një diell i cili më mbush me nxehtësi dhe me entuziazëm. Buzët e tua e largojnë akullin nga buzët e mia, shkrijnë zemrën e ngrirë. Kur është natë ti je drita ime dhe unë shoh kah po shkoj, i gëzohem shtigjeve që eci… secili hap më afër teje, më afër meje… çdo gjë në mua shkëlqen me ty.

Në zemrën time janë fjalët. Dhe ti i ndien. Natën kur të shkosh të flesh, sapo t’i mbyllësh sytë e di që do të vijë. Më ëndërron derisa të ëndërrojë. Më përcjell derisa të përcjell.

Ti e di që më je e gjitha pasuria ime, secilin moment mendoj për ty. Pasi që je pjesë e ima sikur që jam unë pjesë e jotja. Dhe të ruajë, thellë në mua. Vetëm ta dish. Dhe e di që e di. Të lë një puthje, e cila vetëm ty të takon.

Dritani nga Kamenica