HMD prezantoi telefonat celularë Nokia 6310, 5310 dhe 230

HMD ka miratuar një qasje të re me shumë marka për telefonat e saj celularë, por ende i qëndron markës Nokia për telefonat me funksione.

Prodhuesi finlandez ka prezantuar tre modele të reja, secila prej të cilave përfaqëson një version modern të një klasike.

Këto janë modelet 6310 (2024), 5310 (2024) dhe 230 (2024).

Nokia 6310 sjell disa veçori të reja për këtë vit, është i ngjashëm me modelin 2021 6310, por HMD ka siguruar një kapacitet më të madh të baterisë prej 1,450 mAh dhe një port USB-C. Specifikimet e tjera mbeten të njëjta, ka një kamerë VGA me blic, një ekran LCD 2.8 inç në pjesën e përparme, një slot me dy karta SIM me aftësi pritjeje për të dyja kartat dhe një vend shtesë për kartën microSD.

Nokia 5310 ka ruajtur dizajnin e modelit 2020, por në fakt është “rritur”, është më i gjatë dhe më i gjerë, gjë që i ka lënë vend një baterie me kapacitet 1450 mAh. Pajisja përdor një procesor unisoc 6531F në vend të platformës së Mediatek. Ai gjithashtu ka një ekran LCD më të madh 2.8 inç. Kjo pajisje është e përqendruar në muzikë dhe shumë kujtojnë modelin XpressMusic të vitit 2007. Butonat e luajtjes janë në anën e djathtë të telefonit, ndërsa butonat e volumit janë në të majtë. HMD ka përfshirë një port USB-C në pjesën e poshtme, por “brenda” gjithçka mbetet e njëjtë, memorie 8/16 MB, slot për microSD, dy altoparlantë dhe radio FM.

Nokia 230 mori të njëjtin trajtim si dy modelet e tjera, një dizajn të ngjashëm dhe një bateri të re. Mbetet i njëjti ekran TFT 2,8 inç me 65,000 ngjyra, dhe ka e njëjta kamerë 2 MP me blic LED në pjesën e përparme dhe të pasme. Dallimi më i madh është bateria 1450 mAh dhe porta USB-C. Bluetooth 5.0 është aktivizuar falë procesorit Unisoc 6531F dhe pajisja ka ende një fole kufjesh 3.5 mm dhe memorie 8/16 MB.

Çmimet ende nuk janë bërë të ditura, dhe duhet theksuar se pajisjet janë të kufizuara në rrjetin 2G, kështu që nuk do të funksionojnë në rrjetet 3G dhe më të reja.