Itali, Renzi zyrtarizon dorëheqjen: Mbështetje për kalimin e krizës

Matteo Renzi ka dhënë zyrtarisht dorëheqjen nga posti i kryeministrit të Italisë pasditen e kësaj të mërkure.

Sipas raportimeve të mediave italiane, Renzi ka qenë në Presidencë për të zyrtarizuar vendimin, ku ka qëndruar për rreth 45 minuta me presidentin Sergio Mattarella.

Më herët Renzi zhvilloi një mbledhje me kryesinë e Partisë Demokratike, në përfundim të së cilës shprehu qëndrimin e tij: “zgjedhje pas konsultimeve, ose qeveri uniteti”.

“Jemi partia që ka shumicën relative. Duhet të ndihmojmë presidentin e Republikës që t’i japë fund krizës qeveritare sipas mënyrave që do të gjykojë ai”, tha Renzi.