Arrestohen 6 persona të dyshuar për sulmin në Stokholm

Hetuesit e sulmit me kamion në Stokholm kanë arrestuar gjashtë persona të tjerë si të dyshuar. Policia nuk ka komentuar arrestimet.

Më herët u zbulua se një uzbek 39 vjeç ishte arrestuar për sulmin.

Ai ishte i njohur për policinë dhe në laptopin e tij u gjetën materiale propaganduese të ISIS’it.

Policia gjithashtu konfirmoi se ka gjetur një mjet të dyshimtë brenda kamionit dhe se i arrestuari mund të jetë shoferi.

4 persona vdiqën dhe shumë të tjerë u lënduan të premten e 7 prillit në kryeqytetin suedez.