Dukesha e Edinburgut viziton Zelenskyn në Kiev në vizitën e parë mbretërore gjatë luftës

Dukesha e Edinburgut është takuar me presidentin Volodymyr Zelensky në Ukrainë, në atë që shënon vizitën e parë në vend nga një anëtar i familjes mbretërore që nga fillimi i luftës.

Sophie takoi presidentin ukrainas dhe zonjën e parë Olena Zelenska dhe u dërgoi një mesazh në emër të Mbretit, tha Buckingham Palace, shkruan SkyNews.

Vizita e saj synon të demonstrojë “solidaritet me gratë, burrat dhe fëmijët e ndikuar nga lufta dhe në një vazhdimësi të punës së saj për të mbrojtur të mbijetuarit e dhunës seksuale të lidhur me konfliktin”, tha pallati.