Momenti i frikshëm kur një çift goditet nga një makinë, ndërsa shijon pjatën me ushqim brenda një restoranti në Teksas
Ky është momenti tronditës kur një çift u godit "drejtpërdrejt" nga një makinë ndërsa po provonin hamburgerët e tyre para kamerës.
Nina Santiago – e njohur në internet si NinaUnrated – dhe Patrick Blackwood po shijonin një pjatë me ushqim në CuVee’s Culinary Creations në Hjuston, Teksas, kur një SUV u përplas nga dritarja dhe shkoi direkt mbi ta.
Ndërsa çifti shijonte pjatën e tyre të gjerë, një SUV depërton nga dritarja dhe përplaset në tavolinën e çiftit.
Influencuesit më pas u hodhën nga vendet e tyre dhe shpejt u larguan ndërsa copat e xhamit binin rreth tyre.
Pamjet më pas tregojnë çiftin me plagë ndërsa ata dërgohen me urgjencë në një spital lokal.
“Jam thjesht i bekuar, faleminderit Zot. Faleminderit univers. Jam thjesht i bekuar dhe mirënjohës për gjithçka”, tha Blackwood në një video nga spitali.
Ai shtoi se ishte “gjëja më e frikshme ndonjëherë”.
Zonja Santiago dukej se qëndroi në shtratin e spitalit për më gjatë dhe pranoi se “nuk ndihem mirë” në një moment.
“Trupi im ndihet i shtrënguar, koka më dhemb pak, nofulla më dhemb pak”, tha ajo, përpara se të shtonte “Jam thjesht e lumtur që jam gjallë”. /Telegrafi
