Një tjetër futbollist i Shqipërisë kalon te Kosova

Valdet Rama është lojtari i radhës që do t’i bashkohet Përfaqësueses së Kosovës.

I lënë jashtë grumbullimit prej disa muajsh nga Gianni de Biasi tek Kombëtarja shqiptare, lojtari do të ndjek rrugën e Rashicës, Mehës e Shalës.

Gazeta Olle nga burime të saja bënë me dije se lojtari ende nuk ka bërë kërkesën, e cila duhet t’i shkojë FFK-s dhe FIFA-s, mirëpo atë pritet ta bëjë që nesër.

Gjatë ditës madje ka biseduar edhe përzgjedhësi Albert Bunjaku me të. Rama momentalisht është pa skuadër, dhe së fundi refuzoi Balikesirsporin e Turqisë.

Në qershor të këtij viti ai u nda nga Munchen 1860. Kontributi i tij ishte madhor në vitet e kaluara për Shqipërinë, por që më pas lojtari u harrua, dhe nuk u ftua as në miqësore.

Gjashtë vjet më parë, mesfushori me tipare sulmuese ishte pjesë e Kosovës, para se të ftohej nga kuqezinjtë.