Hasani: Nuk jemi në Milano për miqësore, por për rezultat pozitiv

Ferhan Hasani dëshiron rezultat pozitiv ndaj Milanit, në mënyrë që në ndeshjen e kthimit të keni mundësi të kualifikohen në fazën e Grupeve

Sulmuesi i Shkëndijës, Ferhan Hasani e pranon se ndeshja ndaj Milanit është shumë e rëndësishme, por thotë se nuk kanë çfarë të humbasin.

Shkëndija do të takohet nesër me Milanin, në kuadër të Play-offit të Europa Leagues.

“Do të jetë një ndeshje shumë e rëndësishme për neve nesër, por normalisht ne nuk kemi çfarë të humbasim”, tah fillimisht Hasani gjatë konferencës për media.

“Ne nuk kemi ardhur për miqësore, por për të përfaqësuar skuadrën në mënyrën më të mirë dhe të marrim një rezultat që është në favorin tonë, në mënyrë që të kemi shanse në ndeshjen e dytë”, shto në fund ai.

Ndeshja ndërmjet Milanit dhe Shkëndijës do të zhvillohet nesër nga ora 20:45 në San Siro.