Arsenali, në garë për të nënshkruar me yllin e Feyenoordit

Arsenali është një nga tre klubet me shanse për të nënshkruar me Santiago Gimenezin nga Feyenoordi në afatin kalimtar të verës.

Arsenali, Juventusi dhe Atletico Madridi janë të gjithë në kuadër për të nënshkruar me 23-vjeçarin, raporton “Record”, përcjell "Zëri".

Gimenez ka vendosur që është gati të largohet nga Feyenoordi në fund të sezonit pas dy vjetësh mbresëlënëse në Roterdam dhe dëshiron të kalojë në një nga ligat më të mëdha evropiane.

Raporti thotë se Gimenezi së shpejti do të fillojë bisedimet me klubet për një largim të mundshëm të verës dhe besohet se Feyenoordi është i hapur për ta shitur atë për çmimin e duhur. 

Sulmuesi po priret drejt një lëvizjeje në La Liga pasi mendon se do të ishte një përshtatje e mirë për stilin e tij të lojës. Interesim kishin shfaqur edhe Barcelona dhe Real Madridi, por i pari nuk mund të përballojë blerjen e tij dhe klubi kryeqytetas mendon se ai nuk është gati për një lëvizje të tillë, duke i dhënë Atletico Madridit një shans të mirë për nënshkrimin e tij. /Zëri