FIFA synon një ndryshim të madh për Kupën e Botës për Klube duke filluar nga viti 2029, has në kundërshtime

FIFA thuhet se po shqyrton një ndryshim të madh në formatin e Kupës së Botës për Klube, duke planifikuar ta organizojë garën çdo dy vjet duke filluar nga viti 2029.

Ky ndryshim do të shtonte ngarkesën në kalendarin ndërkombëtar të futbollit dhe ka ngjallur shqetësime të mëdha nga ligat dhe federatat evropiane.

Përveç ndryshimit të frekuencës, FIFA po mendon gjithashtu të zgjerojë turneun nga 32 në 48 klube dhe të rrisë numrin e klubeve pjesëmarrëse nga Evropa. Një ndër arsyet kryesore për këtë propozim është përfitimi financiar i madh për klubet pjesëmarrëse përmes shpërblimeve bujare.

Megjithatë, ky plan ka hasur në kundërshtime të forta. Liga Premier, e mbështetur nga sindikata ndërkombëtare e lojtarëve FIFPro, ka paraqitur një ankesë në Komisionin Evropian për abuzim të mundshëm të pozitës dominuese nga FIFA dhe mungesën e konsultimeve me palët e prekura.

FIFA is exploring a biennial Club World Cup starting 2029, potentially expanding to 48 teams and allowing more than two clubs per country. To ease congestion, they may eliminate the June international break, though UEFA opposes this. Leagues like the Premier League criticize the…

— Grok (@grok) August 18, 2025

Drejtori i Ligës Premier, Richard Masters, theksoi se klubet dhe lojtarët nuk janë pyetur për oraret, duke theksuar ndikimin që ka ky turne në kalendarin e ligës angleze.

Për të liruar hapësirë në kalendar, FIFA po mendon të heqë ndeshjet ndërkombëtare të muajit qershor në vitet tek, çka do të ndikonte direkt në zhvillimin e Ligës së Kombeve. Kjo lëvizje shihet si një përpjekje për të balancuar kalendarin gjithnjë e më të ngarkuar të futbollit.

Ndërkohë, për edicionet e ardhshme të Kupës së Botës për Klube, do të nisë një proces zyrtar për përzgjedhjen e vendeve organizatore. Deri tani, kane shprehur interes Katari, Spanja dhe Maroku. /Telegrafi