Kosova sot mban stërvitjen e radhës para miqësoreve ndaj Çekisë dhe Andorrës

Kombëtarja e Kosovës në futboll sot do të mbajë seancën e dytë stërvitore para miqësoreve kundër Çekisë dhe Andorrës.

Dardanët këtë të diel luajnë në udhëtim ndaj Çekisë, derisa më 7 qershor në “Fadil Vokrri” do të përballen me Andorrën.

Kombëtarja jonë dje ka mbajtur stërvitjen e parë në një atmosferë shumë pozitive në kamp, me energji të re, përkushtim maksimal dhe fokus të plotë për vazhdimin e zhvillimit dhe rritjes së ekipit tonë kombëtar.

Sipas Federatës së Futbollit të Kosovës, Dardanët do të mbajnë stërvitjen e radhës në Kampin Nacional në Hajvali, stërvitje që nis në orën 11:30.