Memli Krasniqi tregon sa përqind do t’i fitojë koalicioni PAN

Nënkryetari i Partisë Demokratike të Kosovës Memli Krasniqi ka thënë se edhe nëse nuk do të bënin koalicion me AAK-në e Nismën, ata fitoren do ta kishin të sigurtë.

Madje thotë se fitorja e tyre do të sillet nga 48 për qind deri në 50 për qind. I ftuar në Rrokum Tv, Krasniqi e quajti të turpshëm epitetin që partitë tjera po ia bëjnë koalicionit që po e quajnë koalicion i muskujve.

“ Nuk është koalicion i muskujve pasi ne jemi koalicion i njerëzve të Kosovës. PDK është partia më e madhe udhëheqëse, jemi 13 parti bashkërisht pra shumica e Kosovës, ne përfaqësojmë gjysmën e më shumë të qytetarëve të Kosovës. Fushatat kalojnë e ne mbesim, duhet mu kqyrë në sy prap. Edhe në zgjedhjet e 2014 kurrë s’kam thënë s’kemi vija të kuqe e ata gjithë kanë thënë kurrë me PDK-në dhe e kanë bë këtë”, është shprehu Krasniqi.