Drecun: Prishtina po përpiqet të tërheqë vëmendjen nga krimet e saj

Drecun: Prishtina po përpiqet të tërheqë vëmendjen nga krimet e saj

Aktuale maj 16, 2019 - 11:48
Lexo tjera detaje

Lëvizjet e fundit nga autoritetet e Prishtinës, domethënë paralajmërimi për formimin e një komisioni për mbledhjen e fakteve për krimet e Serbisë në Kosovë është një propagandë e qartë, por edhe një taktikë për të tërhequr vëmendjen ndaj krimeve që ata kryen.

Kësisoj ka deklaruar kryetari i të ashtuquajturit Komision parlamentar për Kosovën, Milovan Drecun .

“Prishtina përballet me një humbje të mbështetjes pas një serie lëvizjesh të njëanshme dhe refuzimit për të vazhduar dialogun me Beogradin, për të cilin ata duan të tërheqin vëmendjen ndaj vetes dhe të paraqesin veten si viktima”, shtoi ai.

Ky reagim i Drecun erdhi në ditën kur pritet votimi i propozim-rezolutës për gjenocidin dhe krimet serbe në Kosovë si dhe formimi i Komisionit shtetëror për krijimin e Tribunalit për gjenocidin serb, transmeton Klan Kosova.