Haziri thotë se Isa Mustafa nuk e përmendi postin e presidentit në takimet me Albin Kurtin

Haziri thotë se Isa Mustafa nuk e përmendi postin e presidentit në takimet me Albin Kurtin

Aktuale dhjetor 05, 2019 - 18:18
Detaje

Në takimet me Kryetarin e Vetëvendosjes, Albin Kurtin, nuk është vënë fare kërkesa e postit të presidentit nga Kryetari i LDK-së, Isa Mustafa.

Këtë e ka thënë nënkryetari i LDK-së, Lutfi Haziri, në Info Magazinë të Klan Kosovës, ndërsa shtoi se kjo ka ndodhur pasi Isa Mustafa nuk është duke bërë koalicion për veten.

” Këtë nuk e ka përmendur në takim pasi Kryetari i LDK-së, Isa Mustafa nuk është duke bërë koalicion për veten”.

”Ne nuk po kërkojmë asjgë, e nuk pranojmë dhurata politike sepse nuk ka. Ne përgjegjësinë politike sipas votës qytetare jemi duke e përpjestuar”.

Ai shtoi se në takimet mes VV-së e LDK-së nuk kanë dhënë kushtëzime por as edhe nuk kanë pranuar kushtëzime, njofton Klan Kosova.

”Nuk kemi kushtëzuar e as nuk kemi pranuar kushtëzime. Kemi ardhur hapë rrugë. Asnjë punë e asnjë përgjegjësi aq më shumë e aq më pak”.

”Ne nuk heqmi dorë vetëm nga kjo Republikë që e kemi ndërtuar politikisht. Nuk heqim dorë nga pasha jonë politike që e kemi marrë nga vota e qytetarëve. Nuk është kërkesë e jona është përgjegjësi e dhënë nga qytetarët”.