Gjuriqi demanton Lajçakun, thotë se nesër në Bruksel do diskutohet për Asociacionin
Bashkimi Evropian ka lëshuar një njoftim se nesër do të vazhdojë dialogu në nivel ekspertësh mes Kosovës dhe Serbisë në Bruksel.
Siç thuhej në njoftim të cilin e ka publikuar edhe i dërguari i Bashkimit Evropian për dialogun Kosovë-Serbi, Miroslav Lajçak, nesër do të diskutohet për pretendimet financiare mes dy palëve.
Por këtë e ka demantuar i ashtuquajturi drejtori i zyrës për Kosovën në qeverinë serbe, Marko Gjuriq, i cili i ka replikuar në njoftimin e Lajçakut në Twitter se nesër do të diskutohet për Asociacionin e komunave serbe në Kosovë, transmeton Zeri.info.
“Faleminderit për mikpritjen. Tema e parë në rendin e ditës nesër do të jetë Asociacioni i komunave me shumicë serbe. Të paktën për palën serbe. Për këtë u ra dakord nën lehtësimin e BE-së shtatë vjet e gjysmë më parë”, ka shkruar Gjuriqi në Twitter. /Zëri
Pres Vuëië & PM Hoti agreed their negotiators will follow up on settlement of mutual financial claims & arrangements for non-majority community. Both topics are v.complex.That’s why we will discuss financial claims tomorrow & arrangements for non-majority community in coming days
— Miroslav Lajëák (@MiroslavLajcak) September 16, 2020
