Infektuar: 107497
Shëruar: 104054
Vdekur: 2245
452 pacientë me COVID-19 të shtrirë nëpër spitale
Foto: Laura Hasani

452 pacientë me COVID-19 të shtrirë nëpër spitale

Aktuale May 04, 2021 - 12:19

Në klinikat COVID të QKUK-së dhe në spitalet e përgjithshme aktualisht janë duke u trajtuar 550 pacientë.

Derisa muajve të parë të këtij viti numri i pacientëve të prekur nga COVID-19 të shtrirë nëpër spitale ishte në rreth 1000, ditëve të fundit kjo shifër ka rënë nën 500.

Në raportin e sotëm të SHSKUK-së bëhet e ditur se 452 prej 550 pacientëve të shtrirë janë të konfirmuar me COVID-19, ndërsa 417 po trajtohen me oksigjenoterapi, transmeton Zeri.info.

Po ashtu bëhet e ditur se 31 persona janë në gjendje të rëndë shëndetësore.

Raporti i plotë:

550 pacientë në trajtim në klinikat COVID dhe në spitalet e përgjithshme.

Duke u bazuar në raportet e datës 4 maj 2021 nga të gjitha njësitë që trajtojnë pacientë në COVID në kuadër të Shërbimit Spitalor, Klinik dhe Universitar të Kosovës, në trajtim janë 550 pacientë.

452 pacientë janë të konfirmuar me Sars-CoV-2, 31 pacientë janë në gjendje të rënduar shëndetësore dhe 417 janë nën asistim të okisgjenoterapisë.

Në QKUK janë të shtrirë 226 pacientë:

13 prej tyre në gjendje të rënduar, 175 të konfirmuar me Sars CoV-2, 182 me oksigjenoterapi.

Numri i pacientëve të shtrirë sipas klinikave:

Klinika Infektive, 94 pacientë

Klinika Infektive II (Mjekësia Sportive), 34 pacientë

Klinika e Pulmologjisë, 79 pacientë

Mjekimi Intensiv - COVID 14 pacientë + 1 në Repartin Intensiv në Klinikën Infektive

Klinika e Pediatrisë, 2 pacientë

Klinika e Gjinekologjisë, 3 paciente

Në spitalet e përgjithshme janë të shtrirë 324 pacientë:

18 në gjendje të rënduar

277 të konfirmuar pozitivë

235 me oksigjenoterapi

Numri i pacientëve të shtrirë sipas spitaleve të përgjithshme:

Spitali i Prizrenit, 51 pacientë

Spitali i Gjakovës, 68 pacientë

Spitali i Pejës, 74 pacientë

Spitali i Gjilanit, 40 pacientë

Spitali i Ferizajt, 38 pacientë

Spitali i Mitrovicës, 38 pacientë

Spitali i Vushtrrisë, 13 pacientë.