Sulmi ndaj familjes Muharremi në Medvegjë, Bislimi fton komunitetin ndërkombëtar ta monitorojë situatën

Zëvendëskryeministri i Kosovës, Besnik Bislimi ka dënuar ashpër sulmin ndaj familjes shqiptare në Medvegjë.

Bislimi ka thënë se Serbia duhet të përmbahet nga aktet e dhunës ndaj shqiptarëve në Luginën e Preshevës.

“Qeveria e Kosovës dënon ashpër aktet e vandalizmit dhe frikësimit ndaj familjes Muharremi në Medvegjë. Është shqetësuese dhe e papranueshme. Me sa duket për Vuçiqin çdo ditë pa ndonjë incident është një ditë e humbur. Serbia duhet të përmbahet nga aktet e dhunës ndaj shqiptarëve në Luginën e Preshevës”, shkroi Bislimi.

LEXO EDHE: 

Familja Muharremi në Medvegjë thotë se u sulmuan nga serbët, Lutfiu njofton OSBE-në dhe ambasadën shqiptare

“Edhe deputeti i vetëm shqiptar në Serbi, Shaip Kamberi kërkoi rend, paqe dhe që qytetarët shqiptarë në Medvegjë të mos ekspozohen ndaj akteve të tilla dhe që komuniteti ndërkombëtar të ndjekë ngjarjet dhe të monitorojë me kujdes situatën e sigurisë, veçanërisht në Luginën e Preshevës”, theksoi ai.

2/2 The only Albanian MP in Serbia Shaip Kamberi also asked for order, peace & to ensure that Albanian citizens in Medvegja are not exposed to such acts & for the int'l community to follow the events & monitor the security situation carefully, especially in Presheva Valley.

— Besnik Bislimi (@BislimiBesnik) October 2, 2023