![Blerim Vela largohet nga pozita e shefit të stafit të presidentes](/uploads/zeri.info/images/2023/November/30/auto_Blerim_Vela1701347522.jpg)
Blerim Vela largohet nga pozita e shefit të stafit të presidentes
Blerim Vela nuk do të jetë më shef i stafit të presidentes Vjosa Osmani.
Demokracia.com ka siguruar vendimin e presidentes Osmani, ku konfirmohet largimi i tij.
Vela ishte emëruar shef i stafit të presidentes Osmani tre vjet më parë.
![Image](https://zeri.info/uploads/zeri.info/images/2023/November/30/auto_7C74F6CD-2217-48F8-A1F4-F8F40400220D-711x10241701344072.png)
Ai është i njohur për postimet në rrjetin social “X” me gjuhë skandaloze e aspak institucionale, sidomos kundër mediave.
Vela i cilësonte raportimet e mediave si pjesë e luftës speciale të përgatitur nga skemat e Beogradit.
Pastaj, në fillim të këtij muaji, Vela kishte përdorur një ironi banale duke kërkuar që gazetari kosovar, Fahri Musliu, të bëj testin e ADN-së me presidentin e Serbisë, Aleksandar Vuçiq. Për këtë ironi ai kërkoi falje.
Mandati i Velës është përcjellë me luftë kundër gazetarëve e me ironi që kanë shkaktuar reagime publike.