Vuçiqi tha se Tajvani është Kinë, Serweri: Kjo tregon se dëshiron ta mbajë hapur opsionin ushtarak në Kosovë

Presidenti i Serbisë, Aleksandar Vuçiq, ka bërë të ditur edhe një herë se Serbia dhe populli i saj qëndrojnë përkrahë Kinës.

Gjatë një interviste për Televizionin Qendror të Kinës, Vuçiqi u shpreh se “Tajvani është Kinë dhe varet nga ju se çfarë, kur dhe si do ta bëni, pikë. Ju i merrni vendimet vetë dhe gjithmonë do ta keni mbështetjen e Serbisë dhe popullit të saj”.

Ndaj kësaj deklarate të presidentit serb ka reaguar eksperti i zhvillimeve politike në Ballkanin Perëndimor, Daniel Serwer.

Ai në një postim në X ka shkruar se nuk është për t’u habitur me një deklaratë të tillë.

“Nuk është për t’u habitur, por në kundërshtim me çdo pretendim që Vuçiqi ka përqafuar Perëndimin, i cili kërkon menaxhim paqësor të çështjes. Vuçiqi nuk mund ta thotë këtë, sepse dëshiron ta mbajë të hapur opsionin ushtarak në Kosovë”, shkroi Serweri.

Not surprising, but inconsistent with any claim Vucic has embraced the West, which seeks peaceful management of the issue. Vucic can’t say that because he wants to keep the military option open in #Kosovo. https://t.co/sCVhlw1oKa

— peacefare.net (@DanielSerwer) February 26, 2024