Rashiq: Kam marrë garanci nga KQZ-ja se do ta parandalojë mashtrimin

Kryetari i partisë “Për liri, drejtësi dhe mbijetesë”, (Za slobodu, pravdu i opstanak), Nenad Rashiq, paraditen e sotme iu drejtua Komisionit Qendror të Zgjedhjeve për, siç tha më herët, dyshimin se po manipulohen votat.

Rashiqi ka thënë se ka informacione për tentim për t'u dhënë ryshfet anëtarëve të komisioneve zgjedhore nga partia e tij dhe për t'i detyruar ata t’i anulojnë votat për partinë e tij.

“Kam kërkuar nga përfaqësuesit e KQZ-së që t'u kushtojnë më shumë vëmendje vendvotimeve ku kanë votuar serbët, veçanërisht në komunat me shumicë serbe. Kam marrë garanci të forta nga KQZ se do ta parandalojnë çdo tentativë mashtrimi. E përsëris se procesi zgjedhor në ditën e votimit ishte i shqetësuar, sepse ka pasur shumë shantazhe, kërcënime, manipulime të qytetarëve”, tha Rashiq për RTK2.