Publikohet letra ku presidenti i Kenias e njohu Kosovën

Shteti nga kontinenti afrikan, Kenia, e ka njohur sot pavarësinë e Kosovës, duke u bërë shteti i parë që nga shtatori i vitit 2020.

Në letrën ku Kenia e njohu shtetin e Kosovës, e siguruar nga Klankosova.tv, përmendet që shteti nga kontinenti afrikan i pranon kufijtë dhe pavarësinë e shpallur më 17 Shkurt 2008.

Në letër përmendet vendimi i Gjykatës Ndërkombëtare të Drejtësisë, e cila konfirmon se shpallja e Kosovës nuk e shkel të drejtën ndërkombëtare.

“Republika e Kenias shpall njohjen e Republikës së Kosovës dhe më tej konfirmon se kjo njohje do të shtrihet në vendosjen e marrëdhënieve diplomatike, njohjen reciproke të dokumenteve të udhëtimit kosovar dhe bashkëpunimin në fusha të tjera që mund të bien dakord nga dy kombet tona”, thuhet në letrën e presidentit të Kenias, njofton Klankosova.tv.

Më tej, në këtë letër përmendet edhe normalizimi i marrëdhënieve në mes Kosovës dhe Serbisë.