Zyrtari i DASH-it përfundon vizitën në Kosovë, Ambasada Amerikane jep detaje

Ambasada e Shteteve të Bashkuara të Amerikës ka dalë me një njoftim rreth vizitës në Kosovë të zyrtarit të lartë të Departamentit Amerikan të Shtetit, Brendan Hanrahan.

Në njoftim thuhet se vizita e tij ka përfshirë takime konstruktive me zyrtarë qeveritarë, udhëheqës të opozitës e bizneset.

Po ashtu është publikuar edhe disa fotografi nga vizita e Hanrahanit në Kosovë.

“Ishte kënaqësi të pres zyrtarin e lartë të Byrosë, Brendan Hanrahan, në Kosovë fundjavën e kaluar. Vizita e tij përfshiu takime konstruktive me zyrtarë qeveritarë, udhëheqës të opozitës dhe komunitetin e biznesit, si dhe vizita në ‘Camp Film City’ dhe ‘Camp Nothing Hill’, për të çuar përpara përpjekjet amerikane drejt stabilitetit dhe prosperitetit ekonomik. Ai gjithashtu gjeti kohë për të bërë një turne në vendin e bukur dhe historik të Trashëgimisë Botërore të UNESCO-s, Manastirin e Graçanicës. Shijoni disa foto nga vizita”, thuhet në njoftimin e Ambasadës.