Zyrtari i lartë amerikan i mbrojtjes zbarkon në Kosovë, në vizitën e tij të parë

Zëvendësndihmëssekretari amerikan i Mbrojtjes për Politikën Evropiane dhe të NATO-s, David Baker, po qëndron në vizitën e tij të parë zyrtare në Kosovë.

Kjo është bërë e ditur nga Ambasada Amerikane në Kosovë.

Ai është pritur në takim nga e ngarkuara me punë e misionit diplomatik të Amerikës në Kosovë, Anu Prattipati.

Gjatë vizitës së tij, Bakeri do të takohet me zyrtarë të lartë të Kosovës për të diskutuar bashkëpunimin e vazhdueshëm në mbrojtje SHBA - Kosovë dhe përpjekjet e përbashkëta për të promovuar sigurinë rajonale.